Pas përhapjes së pandemisë Covid-19 në mbarë botën, përfshirë këtu edhe Kosovën, Federata e Volejbollit e Kosovës-FVK, në bazë të vendimit të Qeverisë së Kosovës, FVK ka pezulluar të gjitha aktivitetet.

Pas përmirësimit të situatës në Kosovë dhe lirimit të masave nga Qeveria e Kosovës, FVK ka planifikuar që në bashkërendim edhe me institucionet përgjegjëse shëndetësore dhe sportive të rifilloj gradualisht me gara që kanë rëndësi më të veçantë për FVK. Bordi i FVK-së ka vendosur që garat t’i vazhdojnë vetëm katër (4) ekipet e para të ligës superior në të dy konkurrencat.

Garat janë planifikuar të fillojnë me 13/14 Qershor 2020 dhe të përfundojnë më së largu 11/12 Korrik 2020.

Të gjitha klubet, sportistët dhe personat tjerë që do të jenë të kyçur në aktivitete duhet që të ju përmbahen rregullave të përcaktuara nga Ministria e Shëndetësisë, respektivisht Instituti Kombëtar i Shëndetit Publik të Kosovës-IKSHPK.

Me anë të këtij manuali synojmë që të ndërmarrim hapa të cilët do të jenë në përputhshmëri me rekomandimet e IKSHPK-së, për organizimin e stërvitjeve dhe ndeshjeve të volejbollit.

Më këtë rast aktivitetet i kemi klasifikuar në tri shkallë të rrezikshmërisë:

1. Aktivitete me rrezikshmëri të ulët,
2. Aktivitete me rrezikshmëri të mesme,
3. Aktivitete me rrezikshmëri të lartë.

AKTIVITETET ME RREZIKSHMËRI TË ULËT

Stërvitje individuale në kushte shtëpiake që kanë për qëllim mbajtjen e nivelit të kondicionit fizik të sportistëve. Në këto aktivitete mund të përfshihen edhe elemente të ndryshme teknike dhe bashkëlojtarë nga e njëjta familje.

AKTIVITETET ME RREZIKSHMËRI TË MESME

Stërvitje individuale apo me bashkëlojtarë nga e njëjta familje në hapësira publike, duke mbajtur distancën sociale dhe dezinfektimin e mjete vepër stërvitje.

AKTIVITETET ME RREZIKSHMËRI TË LARTË

Stërvitje individuale në palestra me bashkëlojtarë, stërvitje grupore me bashkëlojtarë përfshirë këtu edhe lojën e volejbollit.

Të gjithë anëtarët e Federatës së Volejbollit të Kosovës janë të obliguar të respektojnë rregullat dhe rekomandimet e IKSHP-së dhe për rikthimin në stërvitje apo lojë duhet të ju përmbahen edhe këtyre rregullave.

Para aktiviteteve:

– Të mos ketë patur simptoma të virusit së paku 14 ditë para fillimit të aktivitetit;

– Të qëndrojnë në shtëpi nëse janë të sëmurë apo nuk ndihen mirë;

– Të jenë të vetëdijshëm dhe të shmangin kontaktet me personat që kanë qenë apo janë të

infektuar;

– T’i lajnë dhe dezinfektojnë duart rregullisht;

– Të mos prekin hundën, gojën apo ndonjë pjesë tjeter të fytyrës me duar të papastërta;

– Të mbajnë distancën sociale;

– Të mbajnë maskën;

– Të mbulohet goja dhe hunda kur tështiteni;

– Të mbahet evidenca e kontakteve të personave në baza ditore.

Gjatë aktiviteteteve:

– Të evitoni çdo aktivitet në rast të paraqitjes së simptomave të Covid-19;

– Të zbatohen në mënyrë strikte rregullat e vendosura nga IKShPK dhe MSh;

– Të lahen duart dhe dezinfektohen sa më shpeshë;

– Të mos prekin hundën, gojën apo ndonjë pjesë tjetër të fytyrës me duar të papastërta;

– Të shmangen kontaktet e panevojshme, festimet me përplasjen e duarve dhe përqafimi i bashkëlojtarëve;

– Çdo herë kur është mundësia të mbahet distancë sociale (gjatë pushimeve, apo qëndrimit në pankinën rezervë);

– Çdo herë në hapësirat ku stërvitet dhe zhvillohen ndeshjet të ketë dezinfektues për duar dhe hapësira;

– Mbeturinat që krijohen gjatë stërvitjeve, si p.sh.: shishet e ujit, faculetat, etj., të hidhen në koshin e plehrave menjëherë;

– Të mbahet evidenca e personave për secilin aktivitet, lojë apo stërvitje.

Pas aktiviteteve:

– Të lahen dhe dezinfektohen duart;

– Të mos prekin hundën, gojën apo ndonjë pjesë tjetër të fytyrës me duar të papastra;

– Të monitorohet shëndeti dhe në rast të paraqitjes së simptomave të lajmërohen menjëherë personeli mjekësor;

– Të mbahet distancë sociale sa më shumë të jetë e mundur;

– Në rast të teshtitjes të mbulohet goja dhe hunda me bërryl;

– Të pastrohen pajisjet sportive.